فــــي روضـــة  العِلــم الموهـوب

 بينما كنت أتجول مع سيدى فخر الدين الشيخ محمد عثمان عبده البرهانى رضى الله عنه فى رياض مجالسه التى بث فيها الكثير من علومه وعلى متن صفحات سلسلة (علموا عنى) وبحكم الحاسة الصحفية كانت تدور بذهنى الأسئلة وكنت أسارع بتدوينها وأحضرت جهاز التسجيل والأشرطة ولكن هذه المرة ليست للتسجيل ولكن للإستماع لإجابة سيدى فخر الدين على أسئلتى من خلال الشرائط المسجلة المصاحبة للكتاب ودار بيننا هذا الحوار :

مولانا يدور فى ذهنى دائما سؤال عن أصحاب اليمين وأصحاب الشمال، وعن  السؤال بعد الحشر؟

فأجاب رضى الله عنه : أصالة كمال الدين أوله ... خلاص ؟ حالة الصحابة كانت كده الصحابى يكون:
 1 مستبرئ  2 متوضى 3 طايع الله (مؤتمر بأوامره ومنتهى بنواهيه) 4 طايع للنبى صلى الله عليه وسلم 5 ذاكر  6 مجاهد (جهاد النفس) 7 مستعد للنصر والغنايم أو الشهادة ، يبقى سبعة أصناف من العبادة الصحابى فى كل طرفة عين مرتبط بيهم ، لو عملنا مقارنه مع الناس الآن نجد أولاد الطريقة الشطار يكون الواحد منهم مستبرى وذاكر يعنى حاجتين وناقصه خمسة ... دى حاجه والحاجه الثانيه إن الإنسان عارف إنه راح يموت ويبعث ويحشر ويسأل فلابد يعمل ترتيبه ويخلص رقبته ،وعلشان كده لازم نعرف بعض من فنون الحساب ... ظاهر؟

المعروف عندنا إن الحساب أصحاب يمين وأصحاب شمال وبس! والحساب هو أهل الحسنات وأهل السيئات وبس !

لا �� أصحاب اليمين سبع أصناف زى ما ورد فى حالة الصحابة وكمان أصحاب الشمال سبع أصناف ����أصحاب الشمال يوضحهم قوله تبارك وتعالى (ألهاكم التكاثر) يعنى أشغلكم التكاثر (حتى زرتم المقابر) وتكونوا مشغولين إلى أن تزوروا المقابر.. تكاثر من إيه؟

من حب الشهوات .. وهم إيه ؟

{زين للناس حب الشهوات من النساء، والبنين، والقناطير المقنطرة من الذهب، والفضة، والخيل المسومة، والأنعام، والحرث} ودول السبعه أصل المصايب  كل واحد أو كل جماعة مشغولين بالتكاثر من  واحد من السبعة دول حتى زرتم المقابر..

يبقى السبع أصناف الأولى أصحاب اليمين والسبعة الثانية أصحاب الشمال.. ظاهر؟

نعم يامولانا ظاهر .. ولكن باقى سؤال عن السؤال بعد الموت ؟

مولانا سيدى فخر الدين : أيوه ماالجواب فى نفس السورة ،البشر إنشغلوا بالتكاثر من الشهوات وربنا أوعدهم وكرر وعدهم بعلم اليقين من كلام رسوله الكريم وعين اليقين بالرؤية للجحيم ويأتى دور السؤال ،فالسؤال ليس عن الجنة أو النار لأن لو سألوك راح تقول عاوز الجنة ولكن تبارك وتعالى يقول (ثم لتسألن يومئذ عن النعيم) سوف نسأل ، عن إيه بقى؟

أى نعيم ربناأنعم علينا بيه إحنا مسئولين عنه... خلاص!

ربنا ادانا نعمة الإيجاد ونعمة الإمداد  راح يسألنا يقول أنا إديتكم نعمة الإيجاد ونعمة الإمداد عملتوا لى بيها إيه ؟ نعمة السمع ، نعمة البصر ، نعمة ....

دى حاجه خطر جدا .... مين يقدر يوفى؟

سؤال  ... ربنا سبحانه وتعالى خلق أبينا آدم أمنا حواء ،سكنوا الجنة ليه حكاية الشجرة والنزول للأرض بعدين الحساب  ؟

سيدى فخر الدين : لما يشاوروك قول رأيك! 

السائل....   أستغفر الله العظيم هو التواب الرحيم  أللهم لا اعتراض ... يعنى يامولانا الواحد يعمل زى ما ربنا سبحانه وتعالى قال ويخلص فى عمله وبس ؟

سيدى فخر الدين : الصوفية بيطالبوا المريد من اليوم اللى يدخل فيه الطريقة بترك الإخلاص ، مافهمتوا ده ؟ اسمعوا من الأول ، الحديث بيقول (الناس كلهم هلكى إلا العالمون ، والعالمون هلكى إلا العاملون ، العاملون هلكى إلا المخلصون) مش ده المرتبه الرابع ؟ بالنسبة للبشر كله يعنى المرتبه الرابع يوصلوه متى ،  ظاهر!

في المرتبة الرابع عامة الناس يترقى من مرتبة إلى مرتبة ، حتى يصل إلى الإخلاص ،واضح ؟ 

نوضح أكثر ��قولى ياشيخ محمد.. نعم ... إضرب البيت ده بالجير ، او إبنى البيت الواقع ده ، تبنيه على كذا كذا كذا وضرب فيه جير كذا كذا ، تعمل فيه نقشات كذا كذا ، عملنا الكونتراتو بالشكل ده ، وبعدين انت ابتديت تشتغل ، وبعد ما تشتغل وتخلص مش راح تستحق منى الأجرة  ثلاثين ،أربعين جنيه اللى اتفقنا عليه فى العقد ، أصل أى عامل عاوز أجره ، واضح كده ؟أنا من حقى أحاسبك فى النقشات اللى كلمتك عليها ؟ إذا انت نفذت العقد بالطريقه اللى أنا عاوزها والرسومات وصنف الجير اللى انا قلت لك عليه بتستحق الفلوس اللى اتفقنا عليها ، و إذا ما حصل كده بتستحق الأجر كيف؟

ربنا طالب الناس بعباده، طالبهم فى العبادة بالإخلاص ، ظاهر ؟ مش دى المرتبة اللى احنا واقفين فيه ؟ والإخلاص يعنى إيه ؟

يعنى ربنا قال لنا صلّوا ، وكيفية الصلاة والإستبراء والوضوء زى ما علمنا نبيه صلى الله عليه وسلم  يعنى تتجهوا الناحية اللى أمرت بها رسولى ، تصلوا عدد الركعات اللى أمرت بيها رسولى ، بالوجه اللى أمرت بيه رسولى ،بالعدد والإقبال والحضور اللى أمرت بيه رسولى ولذلك قال صلى الله عليه وسلم (صلوا كما رأيتمونى أصلى) ولم يقل صلوا كما أمركم الله ، تقليد الرسول فى الصلاة بقى أمر واجب ، صورة العمل ده إيه ؟ صورة العمل عاوزين الإخلاص فيه ، عاوزين الإخلاص وعدم الإخلاص إيه هو الإخلاص ؟

المخلص المخلص بيعبد زى ما كلفوه بالنصوص اللى قلناها دى ، ظاهر؟

ويطلب إيه من ربنا جل وعلا ؟ يطلب أجرة عمله ده ، علشان عادةً الفلوس عندنا فى الدنيا بيقضوا أى غرض ، وفى الآخرة بدل الفلوس تكون الحسنات ، تقضى بيها أى غرض ، تقول أنا قرأت القرآن الحرف الواحد عشر حسنات  يعنى النهارده قرأت كذا جزء يساوى كذا الف حسنه ، وصليت كذا الف  واستغفرت كذا الف ....

علشان كده عاوز أجرى وهو دخول الجنة ، ومادمت عاوز الأجر ربنا يطلبك بالعمل زى ما جه فى الكونتراتو على لسان رسوله صلى الله عليه وسلم ويكون هو ده الإخلاص المطلوب مننا... واضح�

لكن ماهو عدم الإخلاص المطلوب؟

نكمل الحديث (وكل المخلصون هلكى إلا الموحدون والموحدون على خطر عظيم) وده الفرق مابين المخلـَص والمخلِص  يعنى ربنا يعنى ربنا يسـأل أصحاب اليمين على قدر درجاتهم يعنى العالمون ومنهم العاملون ومنهم المخلصون ثم يسأل هل فيكم من عمل عملا لأجلى يقولوا  ياربنا كل هذا لأجلك ، فيقول أنتم إخلصتم فى العمل وأخذتم الأجر ولكن أريد من عمل عملا بغير أجر  يقولون وما هو العمل الذى بغير أجر؟

فيقول سبحانه وتعالى : هل فيكم من والى لى وليا أوعادى لى عدوا؟

وهذا هو ترك الإخلاص وهو وحدة التوحيد وفارق شاسع ما بين وحدة الإخلاص ووحدة التوحيد .... وده سر المهنه!

سؤال .... حضرتك قلت ....

سيدى فخر الدين   مقاطعا إسأل ساكت (يقصد بدون حضرتك وسيادتك)

السائل.... فى الكلام عن الصحابه رضى الله عنهم ذكرت إن الصحابى يكون مجاهد ويكون جاهز للنصر والغنايم ، ماهو الفرق بين الحالين ؟

سيدى فخر الدين: لا لا لا   الجهاد أصلا هو الجهاد في سبيل الله ، النبى عليه الصلاة والسلام راجع من الجهاد قعدوا تحت شجرة ظليلة ، نزلت عليه قوله تعالى (والذين جاهدوا فينا لنهدينهم سبلنا)  النبى صلى الله عليه وسلم انبسط واهتز، والصحابة سألوه وقالوا له فيه إيه يا رسول الله؟

تلا عليهم الآية وقال ( رجعنا من الجهاد الأصغر إلى الجهاد الأكبر) خلاص� عمل جهاد النفس جهاد أكبر وعمل الجهاد في سبيل الله جهاد أصغر ، يكون الجهاد الأصغر هو؟

السائل : الحرب؟

سيدى فخر الدين : الحرب إلى الجهاد الأكبر اللي  هو إيه ؟ اللى هو جهاد النفس وفى جهاد النفس ربنا أوعد {والذين جاهدوا فينا لنهدينهم سبلنا} كل الطرق اللى يوصلوا لينا ، خلاص، بعدين عاوزين نعمل مقارنه ما بين الجهاد الأصغر والجهاد الأكبر ، الجهاد فى سبيل الله ربنا جل وعلا يوضح يقول استعدوا {وأعدوا لهم ما استطعتم من قوة ومن رباط الخيل ترهبون به عدو الله وعدوكم}�

لابد من خليفة يسوق الناس للحرب ،لابد يكون فيه أعداء يحاربهم ، لابد من سيف ودرع وحصان لكل مجاهد ويكون الغرض من الحرب إعلاء كلمة (لا إله إلا الله محمد رسول الله)�

عاوزين نقارن ويكون مثال الأمور دى للجهاد فى سبيل الله اللى هو الجهاد الأصغر نفسها للجهاد فى الله  اللى هو الجهاد الأكبر شيخ الطريقة بمثابة الخليفة ، خليفة المسلمين ، العم المرشد زى القائد بتاع الجيش  .... خلاص�

بعدين الحصان هو الهمة همة المريد فى السهر وقراءة الأوراد ومقاومة النوم والكسل والونسه اللى هو الكلام مع الناس فى الفارغ... خلاص�

بعدين المجاهد محتاج لدرع يدافع بيه عن نفسه اللى هو التحصين زى حزب السيف مثلا ..... خلاص�

أما السيف اللى حيحارب بيه هو الأسم (الله) لأنه السيف اللى حيقتل بيه الأنفس الأمارة بالسوء واللوامه وكذا وكذا {الله يتوفى الأنفس حين موتها} جل وعلا قال كده فى كتابه العزيز.... خلاص ؟

النجدة والإمداد كما قال جل وعلا {إن تنصروا الله ينصركم ويثبت أقدامكم} و{وما النصر إلا من عند الله}  خلاص... ؟

سؤال : طيب يامولانا فى الحرب أو الجهاد الأصغر الأعداء معروفين فمن هم الأعداء فى الجهاد الأكبر؟

سيدى فخر الدين: البنى آدم أصله مصيبته كبيرة خالص (رجلا فيه شركاء متشاكسون ورجلا سلما) ده البنى آدم مثاله كده.. من الشركاء المتشاكسون  فيه، ملك الروح وملك الهوى ومادام الروح ملك يكون عنده وزراء اللى هى أصناف المعرفة المعبر عنه بالتوحيد ويكون عنده جنود اللي همَ الملائكة�

أما ملك الهوى فالوزراء هم الأنفس السبعه ويكون الجيش من الشياطين  وتقوم الحرب بين الملكين والوزراء والجنود�

يعنى الواحد لو ما دخل الجهاد الأكبر يكون تابع للهوى اللى بيجره للملذات الدنيوية يعنى يسكر يسرق والهوى أشنع إله عُبِدَ على وجه الأرض من دون الله�

أما إذا التشاكس بدأ والجهاد الأكبر يعنى بعدة الجهاد والهمه الحرب مستمرة حتى يقع ملك الهوى فى الأسر وياخد الأمر من ملك الروح  علشان كده (لايؤمن أحدكم حتى يكون هواه تبعا لما جئت به ) صدق رسول الله صلى الله عليه وسلم عاوزين الهوى يكون تابع للروح علشان تقوى محبته للنبى عليه الصلاة والسلام ���خلاص ياعم الشيخ؟

طيب ياعم الشيخ آخر سؤال فيه حديث لحضرة النبى صلى الله عليه وسلم بيقول فيه أحببت من الدنيا ثلاث الطيب والنساء وجعلت قرة عينى فى الصلاه والمفسرين بيقولوا إن النبى صلى الله عليه وسلم كان يتطيب بالعطور والمسك ومتزوج تسعه غير الجوارى وهلم جرا�

سيدى فخر الدين : النبى عليه الصلاة والسلام قال حُبب إلى من دنياكم ثلاث مش أحببت ، ربنا حبب دول عندى النساء و لو قلنا النساء بمعنى كل أنثى المعنى اللغوى يعنى النبى عليه الصلاة والسلام بيحب النساء حتى ستات المررو بتوع الفول السودانى... ما ممكن المعنى اللغوى الركيك ده يفيد هنا فكان لابد من التأويل، ربنا خلق أبونا آدم تام وكامل ، أخذ منه الضلع الأيسر وخلق منه أمنا حواء  يعنى أبونا آدم نقص وعلشان يكمل ماممكن يكمل إلا بالضلع إللى اتخلق منه أمنا حواء فكان المشكلة بتاع الصنف البشرى كله النساء .. ليه ؟ ولد صغير يجتهد علشان يتزوج .... بعد الزواج مش يسكت ؟ لا عاوز يلد... عايز يربى عايز يوظف .... وهلم جرا يعنى الزواج زى بيت فيه عشر شبابيك قبل الزواج يكون مقفول تسعة شبابيك ومفتوح واحد اللى هو عاوز أتزوج وبعد الزواج ينقفل الشباك الواحد وينفتح تسعه عاوز يلد  عاوز يربى  عاوز... فيكون معنى النساء فى الحديث مش الستات لكن النبى عليه الصلاة والسلام عايز يرجع حواء لموطنها من آدم علشان يكمل ، يعنى يكون عاوز الكمال للصنف البشرى ...خلاص ؟

أما الطيب فمعناه عندنا الأرياح الزكية ومعنى أن النبى عليه الصلاة والسلام يحب الطيب يعنى يتطيب (يحط ريحه) يعمل بيها إيه النبى صلى الله عليه وسلم والأحاديث الشريفه تقول أن رائحة النبى كانت مميزة ليست تشبهها رائحة طيبة أخرى حتى أنه إذا وضع يده الشريفةعلى رأس صبى تفوح من رأس الصبى رائحة أطيب من المسك والعنبر والكافور وكان إذا مر بطريق يعرفون أن رسول الله صلى الله عليه وسلم مر من هذا الطريق بسبب الرائحة الزكية وكان النساء يأخدون من عرق الرسول ليضعوه فى الطيب ويطيبون به أطفالهم ، فكان القصه ما ريحه ولكن الطيب هو نفس الرحمن - لابد من التأويل - النَفَس من التنفس  يعنى الأسماء الإلهيه موجوده فى الإسم الرحمن وعلشان كده تبارك وتعالى قال {قل إدعو الله أو ادعوا الرحمن} وخروج الأسماء الإلهيه من الإسم الرحمن ودخولها فيه زى الشهيق والزفير علشان كده مجارى الأسماء الإلهيه يسموه نفس الرحمن إللى جه منه الوجود العينى علشان كده الحبلى لما تلد يقولوا عليها نفسا..... ده نفس الرحمن اللى بيحبه النبى عليه الصلاة والسلام.....

وكمان الأولياء الكبار الرؤساء بيقولوا :

إن رحماننا له نفس قد تأرجا.. أصالة قصيده طويله شويه..

 ذهب الخوف والرجـا        ومضى المدح والهجـا

 فأنا اليـوم مسـلـم         بك قلبـى إليـك جــا

 طالما كنت فى عمـا         لم أجـد عنه تخـرجـا

 جامد الذات خـامـدا         بعضه ظلمة الدجـــى

 وبتدت نارك الـتى          كان موسى لها التجــا

طويله شويه إحنا مش شغلنا فى ده  خلاص ياعم الشيخ...؟

قلنا النساء والطيب بعدين قال جُعلت قرة عينى فى الصلاة ، علاقة العين بالصلاة يعنى دى الصلاه اللى بيشوفوها ولا لأ ؟

فكرك العين تكون قريرة لما تشوف قرد ولا غوريلا  لأ طبعا ....

العين يقر لما يشوف حبيبه  لما يدرك رؤية حبيبه... فده الصلاه اللى بيشوفوها ، مين اللى يقدر يصلى صلاة صحيحة ... صلاة صحيحة إيه؟

الصحابة شئ لله رضوان الله عليهم لمن واحد عاوزين يقطعوا رجله يقطعوها وهو بيصلى ما يحس بيها ، أهو ده الصلاة المتمدن ،صلاة إيه إللى احنا بنصليها!

عندنا فى بلدنا حصلت نكته غريبة خالص خالص يلزم الواحد يقولها ، عادة ناس بلدنا لما يقولوا لواحد صلاتك باطل يزعل شديد ، والنظام عندنا لما يكون فيه فرح ولاكره البيت كله يجتمع فى صعيد واحد، أكلهم شرابهم صلاتهم كله هناك ، واحد فاتته الصلاة مع الجماعة زعل شديد ، كيف انتم صليتوا قبل أنا ما آجى ؟ وا.. وا... أخيرا وقف يصلى وحده ، نويت أصلى العصر الله اكبر ، مش قال الله أكبر  ، يقرأ الحمد (سورة الفاتحة) لكن هو مزارع طبعا  سرح فى صلاته راح مراح البقر( مكان الرعى ) ساق البقر ومشى سقاه ،علقهم فى الساقيه وروى الأرض حيضانه كلها ، بعدين حل البقر وعمل.. وعمل... كل ده فى الصلاة  ،بعدين السلام عليكم ،السلام عليكم ،فيه واحد ولى كبير وواحد ولى صغير قاعدين فى نفس المكان فى المجلس ، الولى الصغير قال له تعالى يا أخينا إنت عملت إيه؟ قال أنا صليت العصر.

الولى قال ''جاتك داهيه عصر إيه اللى انت صليته إنت اشتغلت نفس شغلك فى الصلاة بقر وزراعة ورى كل ده فى الصلاة.

الراجل زعل وقعد يبكى يبكى على حاله.

الولى الكبير نادى الولى الصغير وسأله : إنت ربنا فضى قلبك من مشاغل الدنيا؟ فقال نعم. فسأله فَلِم شغلت نفسك بمتابعة الرجل فى صلاته  ؟؟ ربنا فضى قلبك علشان تنشغل بالله وانت انشغلت بالناس فانت مصيبتك أكبر من مصيبة الرجل اللى انشغل بالزراعة!

عرفت معنى النساء والطيب وقرة عينى فى الصلاة ؟ ظاهر.

طيب ياعم الشيخ ادعوا لنا إن ربنا يكرمنا ويدخلنا فى رحمته الواسعة.......  فتبسم الشيخ وقال أولا الكرم أصالة من صفات الألوهيه لا الربوبيه، فى مرة كنت خارج من المسجد بعد الصلاة وكان فيه سائل يسأل الناس يمد يده ويردد (يارب ياكريم)  فلما دنوت منه قلت له : إعدل.....

فقال أعدل إيه؟ فقلت : قل(يا كريم يا رب)، لأن الإسم الكريم من الأسماء الإلهيه والألوهية مقدمة على الربوبية.... والظاهر إنه لما عدل الدعاء ربنا رزقه يومها رزق واسع  وفوجئت آخر النهار بهذا السائل يطرق بابى ولما فتحت الباب قال :ياشيخ محمد إنت اشتغلت شحات قبل كده!

وقال سيدى فخر الدين مسترسلا أما الرحمة الواسعة خطأ شائع بين الناس لأن الرحمة الواسعة {ورحمتى وسعت كل شيء} قد شملت كل الخلق بما فيهم إبليس وقد أخذ مدد الإمهال وأن يكون من المنظرين من باب الرحمة الواسعة أو الرحمة الرحمانية وهى الرحمة الممزوجة بالعذاب كالدواء شديد المرارة يأخذه المريض ليشفى والمؤدب يضرب التلميذ ليذاكر وكل هذا من باب الرحمة الواسعة أوالرحمة الرحمانية ولكن إذا سألت فاسأل الله من باب رحمته الرحيمية النبوية الصرفة {بالمؤمنين رؤوف رحيم}

ونحن إذ نختتم هذا الحوار نعد بلقاء جديد لننهل من منابع العلم وأصول الحكم.

هاديه الشلالى